Fajardo, Slaughter moduwa vs. Kazakhs
CEBU, Philippines – Segurado na si Samahang Basketbol ng Pilipinas (SBP) president Al Panlilio nga moduwa sa Team Pilipinas ang 'twin-towers' nga sila si JuneMar Fajardo ug Greg Slaughter batok Kazakhstan karong Nobiyembre 30 didto sa Smart Araneta Coliseum.
Nasayran, sila si Fajardo ug Slaughter pulos wala makaduwa sa miaging duha ka duwa sa Pilipinas batok sa Iran ug Qatar tungod sa tagsa-tagsa ka injury.
Hinuon, si Panlilio nanghinaut nga dili na makahiagum pa og injury ang duha ilabi na nga moduwa na sila pagbalik sa tagsa-tagsa nila ka mga mother teams sa PBA.
"We are hoping that both Greg and June Mar will finally be healthy to represent Gilas Pilipinas. Both games will be played in Manila," matud pa ni Panlilio sa The Philippine Star, ang igsuong mantalaan sa Banat News.
Human sa Kazakhstan, sangkaon og balik sa Pilipinas ang Iran karong Disyembre 3 dinhi sa Pilipinas.
Sa laing bahin, gipahibalo ni Panlilio nga makaduwa na sa Pebrero sunod sa Team Pilipinas sila si Andray Blatche, Jayson Castro, Troy Rosario ug Terrence Romeo tungod kay malibkas na ang ilang suspensiyon sa FIBA.
- Latest
