Guiao mo-resign kun phl team dili makasud sa World Cup
CEBU, Philippines – Moretiro si coach Yeng Guiao kun mapakyas siya paghatod sa Team Pilipinas sa 2019 World Cup.
Kini ang gibuhian nga pamahayag ni Guiao usa ka adlaw human sa ilang 92-81 nga kadaogan batok Qatar niadtong Lunes.
Si Guiao nagkanayon nga gusto niya ipahibalo daan sa Samahang Basketbol ng Pilipinas (SBP) nga seryoso siya sa iyang trabaho isip head coach. Ang Team Pilipinas kinahanglan nga mosud sa top three sa standing human sa torneyo aron makakuha og luna sa World Cup nga ipahigayon sa China.
Sa pagka karon, ang Pilipinas anaa sa ikatulo uban ang 5-3 nga baraha. Nag-una ang Australia (6-1) ug dayon Iran (6-2).
- Latest