Volcanoes sasabak na sa Koreans

MANILA, Philippines — Matapos mabigong makalahok sa nakaraang 18th Asian Games, muling sasabak ang Philippine Volcanoes laban sa malakas na South Korea ngayon sa Asia Rugby Sevens na gaganapin sa Kings’ Park sa Hong Kong.

Haharapin ng national team ang Korea sa alas-2:42 ng hapon at makaraan lamang ang ilang oras, lalaban uli sila sa Malaysia sa alas-6 ng gabi.

Sa huling laban bukas,  makatapat naman ng Filipino team ang host Hong Kong sa alas-12 ng tanghali.

Hangad ng Philippine Volcanoes na tumapos sa top 2 upang umabante sa semifinals ng kumpetisyon.

“It's been a very competitive training camp.  We have six new potential debutants who are looking to secure a national jersey for he first time. It's a fresh new team, an exciting time for the Volcanoes,” sabi ni Volcanoes' performance manager Chris Everingham.

Sa iba pang grupo kabilang ang Japan, silver medalist sa Indonesia Asian Games sa Pool A kasama ang Sri Lanka, China at Chinese Taipei.