Columbian Dyip dakog tsansa sa No.1 pick

CEBU, Philippines — Sa makausa pa, ang Columbian Dyip na usab ang hayag nga makakuha sa kahigayunan nga mopili sa No.1 overall pick sa 2018 PBA Rookie Draft sa hinapos nga bahin ning tuiga.

Nasayran nga ang Columbian  (kanhi KIA) nakontrobersiyal sa miaging draft human nila gihatag ang katungod nga mukuha sa No.1 pick ngadto sa San Miguel Beermen nga maoy nakabira ni Fil-German forward Christian Standhardinger.

Tungod kay padayun nga usa sa mga kulatahonong koponan sa PBA ang Columbian, anaa kanila ang dakung tsansa sa No.1 pick diin tulo ka pangan ang gitan-aw nga mamahing top picks.

Nag-una sa lista ang Fil-American ug kanhi NBA D-League cager nga si Ray Parks Jr. Anaa usab sila si NCAA standouts CJ Perez ug Robert Bolick.

Ang Columbian mitapos sa katapusang dapit human sa Philippine Cup ug ikasiyam atol sa Commissioner's Cup. Sa nagpadayung Governors Cup, ang Dyip wala pa gihapon katilaw og daog.

Gawas sa Columbian, mga koponan nga posibleng makakuha og top picks sa sunod rookie draft naglakip sa Blackwater Elite, Phoenix Fuel Masters ug Meralco Bolts. (BANAT NEWS)