UP Lady Maroons amoy na ang PVL crown

MANILA, Philippines — Kinubra ng University of the Philippines ang 14-25, 22-25, 26-24, 25-18, 15-5 come-from-behind win kontra sa Far Eastern University para makauna sa Premier Volleyball League Season 2 Collegiate Conference best-of-three title se­ries kagabi sa The Arena sa San Juan City.

Nagsilbing lider ng Lady Maroons si playmaker Ayel Estrañero na siyang nag­la­tag ng solidong plays pa­­ra kina Isa Molde, Marian Buitre at Roselyn Rosier.

Nagbigay din ng mala­kas na suporta sina middle blockers Ai Gannaban at Ma­ristela Layug na naka­ga­wa ng mga krusyal na pun­tos para resbakan ang Lady Tamaraws.

Susubukan ng UP na ma­ipormalisa ang pagkopo sa korona laban sa FEU sa paglarga ng Game Two sa Miyerkules.

Samantala, naitakas ng Universi­ty of Santo Tomas ang git­gitang 25-20, 27-29, 13-25, 25-19, 17-15 desis­yon kontra sa Adamson Uni­versity upang makuha ang 1-0 abante sa kanilang best-of-three, battle-for-bronze match.

Humataw nang husto si Filipino-Italian Milena Alessandrini matapos pakawalan ang 31 hits na nakuha nito mula sa 24 attacks, anim na blocks at isang ace para makalapit ang Tig­resses sa third-place trophy.

Nagparamdam rin ng la­kas si rookie sensation Eya Laure na bumanat naman ng 23 kills kabilang ang isang ace sa deciding set na nagdala sa Tigresses sa 11-9 kalamangan.

Nauwi sa 15-15 pagka­katabla ang is­kor matapos ang block ni Adamson middle hit­ter Joy Dacoron kay Alessandrini.

Subalit dalawang net touch ang nagawa ng Lady Falcons para tuluyang ipa­ubaya ang panalo sa Tig­resses.

Sa men’s division, ma­bi­lis na nakabangon ang reig­ning UAAP champion na National University sa mga pagkakamali sa first set upang itakas ang 21-25, 25-23, 25-18, 25-17 pa­nalo laban sa UST sa Game One ng kanilang title wars.

Muling naasahan ng Bulldogs sina outside hitters Bryan Bagunas at Madz Gampong.