Ben Simmons nadismaya bahin ni Lebron
Si Ben Simmons, ang 'Rookie of the Year' sa miaging season mitaak og balik sa yuta niyang natawhan sa Australia diin iyang gipabuhagay ang iyang pagkadismaya nga wala makuha sa Philadephia 76ers si LeBron James atol sa free agency. Sa dihang nahinabi sa Daily Telegraph, ang 22-anyos nga si Simmons nagkanayon nga nasagmuyo siya gamay nga gipili ni James ang Los Angeles Lakers kay sa Sixers.
Damgo unta ni Simmons nga makauban niya og duwa ang giila niya nga labing maayong NBA player sa iyang henerasyon.
Klay Thompson lunod patay sa Warriors
Si Golden State All-Star guard Klay Thompson subling mipadayag nga gusto niyang moduwa sa tibuok niyang karera uban sa Warriors diin siya nakadaog og tulo na ka kampiyonato. "I've said it many times before: I would like to be a Warrior for life," matud pa ni Thompson sa dihang nahinabi sa Bay Area News Group. Mismo ang amahan ni Klay nga si Mychal ang mipasalig ngadto sa San Francisco Chronicle nga ang iyang anak magpabilin sa poder sa Warriors.
- Latest