Singsing ni Robertson nahalin og P4.5M

CEBU, Philippines — Ang championship ring nga nadaog ni Oscar Roberston niadtong 1971 NBA season nahalin og $91,000 kon P4.5 million atol sa usa ka auction didto sa New York.

Ang singsing nga naangkon sa Hall of Fame guard uban sa Milwaukee alang sa bugtong niyang NBA title maoy top seller sa mga butang nga iyang gipangbaligya pinaagi sa Lelands.com 2018 Invitational Auction.

Gawas sa iyang NBA ring, nahalin sab ang Naismith Memorial Hall of Fame ring ni Robertson og $60,000 ug ang usa sa iyang uniporme nga gisul-ot kanhi sa B Bucks napalit sab sa kantidad nga $50,000.

Sa mabulokon niyang karera, si Robertson mikulit og record isip labing unang player sa kasaysayan sa NBA nga mi-average og triple-double tibuok season.

Ang upat ka dekada niyang marka gibuak ni Russell Westbrook sa Oklahoma City Thunder duha pa lamang ka tuig ang milabay. (BANAT NEWS)