Sunsport basketball camp nanawat pa gihapon og estudyante

CEBU, Philippines — Ang Sunsport Basketball padayon pang nanawat og mga estudyante alang sa senemana niining training camp diha sa Sacred Heart Center Sports Club.

Matud pa ni camp director Jojo Romarate Teves, nga ang serye sa training ipahigayon matag Domingo lamang hangtod sa Disyembre, gikan sa alas-10 sa buntag hangtod sa alas-12 sa udto.

Abli sa mga batan-ong basketbolista nga nag-edad og siyete hangtod sa 19 anyos, si  Romarate nagkanayon nga ilang tudloan ang ilang mga estudanye sa ensaktong pamaagi sa pagduwa og basketbol.

Ang registration nagkantidad og P1,200, apil na ang training jersey ug Sunsport basketball 2018 edition.

Alang sa dugang detalye, kadtong mga interesado mahimong motawag ni coach Jojo (0923-8697421/0932-3300292) o sa buhatan sa Sunsport (345-1016). (BANAT NEWS)