Batang Gilas nabawsan

CEBU, Philippines — Nahanaw ang paglaum sa Batang Gilas nga mobitbit og bronze medal sa 2018 FIBA U18 Asia Championship dihang  gibawsan sila sa China, 57-76 didto sa Thailand. Ang Batang Gilas misud sa semis uban ang 3-0 record lakip na ang kadaogan batok sa powerhouse China niadtong Miyerkules, apan ngil-ad ang ilang pagtapos sa torneyo  kay gikuninitan sila sa China.

Sa pagpangulo sa higanteng si Michael Wang, ang China wala mihatag og higayon sa Batang Gilas nga makaporma. Ang China labaw og 17 puntos sa halftime, 43-26.

Bisan pa sa maong kapildihan, ang Batang Gilas usa sa upat nga koponan nga nakakuha og luna sa 2019 FIBA Under-19 World Cup uban sa China, Australia ug New Zealand.