1st CVBA All-Star games karon na

CEBU, Philippines – Magtakus na sa ilang  abilidad ang mga pinili ug maayong laki nga mga basketbolista sa Cebu Vintage Basketball Artist sa dihang mosikad na ang 2018 CVBA All-Star Games karong adlawa diha sa Barangay Tinago gym, Cebu City.

Unang mopakita sa ilang abilidad ang mga bitoon sa Below Division sa alas-11:30 sa buntag.

Ubos sa pagtimon ni coach Baeng Medalle, ang Light team langkuban nilang Zabate, Castro, Rongcales ug Zapanta sa Explorers, Chrisitan Villacastin, Dodong Manlosa, Matibag ug Emmanuel Alolod sa Hoopsters, Baeng Medalle, Fraime Oporto, Solis ug Caburnay sa Aduana, Alaan, Arreglo, John Mark Jamolin ug Caynila sa Floaters.

Ilang sangkaon ang dekalibre sab nga Dark team nga gibitoonan nilang Javier Deniega, MJ Engracial, Marata ug Cabase sa BOC Hitz, Bibit dela Cerna, Oswa, Batoon ug Shun Cal sa Dynamites, Irlito Avenido, Don Dejaresco, Jim Villa ug Sullano sa Portmen ug Rex Bensi, Julius Dayon, Reyden Villaronza ug Jesus Diano sa Avengers. Motimon nila si coach Boodie Monteño.

Sa Above Division, ang  komposisyon sa Light team ni coach Janno Boniao  naglakip nilang BM Cañal, Art Gonzales, Jaymar Elloren ug Jerry Jaca sa Explorers, Francis Palero, Inting Bacalla, Edwin Carmen ug Rito Badon sa Hoopsters, Sigfred Pastor, Ronan Cañete, Dodong Belarmino ug Janno Boniao sa Aduana ug Renato Agustinez, Allan Sepe, Amay Palad ug Francis Ibo sa Floaters.

Mohatag kanila og lisud nga hagit ang Dark team ni coach Jun Gayo nga gilangkuban nilang Marvin Sillar, Junard Ciabo, Noel Medalle ug Mondoy Aragon sa BOC Hitz, Ernie Gaviola, Mikel Cabanada, Duke Espina ug Marlou Cañal sa Dynamites, Bong Tan, Erwin Lambayan, Edwin Nadal ug Alfred Jovita sa Portmen ug Joseph Jayme, Digoy Solidarios, Arnold Fuentes ug Renato Garcia sa Avengers.

Taliwala sa mga duwa, ang 3-point shootout ug skills challenge molamas sa maong kalihukan nga giorganisar ni Roy Canillas.

Mga entrante sa skills challenge nga gitakda sa alas12:30 sa hapon mao sila si Ronald Nacario sa Explorers, Jonel Batuto sa Hoopsters, Ricky Dueñas sa BOC Hitz, Mikel Villarias sa Floaters, Glen Omayan sa Aduana, Pastor Librando sa Dynamites, Curding Cubal sa Portmen ug Ruffa Famulagan sa Avengers.

Mosalmot sa 3-point shootout mao sila si Jerry Jaca ug Ryan Barral sa Explorers, Niel Villacampa ug Joey Petracorta sa Hoopsters, Geryl Bukiron ug Baeng Medalle sa Aduana, Jingjing Rama ug Dandan Alaan sa Floaters, Ferdie Sigue ug MJ Engracial sa BOC Hitz, Bibit dela Cerna ug Ricky Guirit sa Dynamites, Primitivo Mondin ug Irlito Avenido sa Portmen ug Loreto Castillo ug Rex Bensi sa Avengers.