Magic moduwa batok Bulls ug Jazz sa Mexico
CEBU, Philippines – Ang Orlando Magic makigharong sa Chicago Bulls ug Utah Jazz sa duha ka NBA regular-season games karong Disyembre didto sa Mexico City Arena sa Mexico.
Unang sangkaon sa Orlando ang Bulls sa Disyembre 13 ug dayon ang Jazz sa Disyembre 15.
Sa kinatibuk-an, ang NBA nakapahigayon na og 28 ka duwa didto sa Mexico sukad niadtong 1992.
"Returning to Mexico City for two regular-season games this season reinforces our commitment to growing basketball in Mexico and Latin America," matud pa ni NBA commissioner Adam Silver.
"NBA teams have been playing in Mexico for more than 25 years, and the Bulls, Jazz and Magic organizations are excited to continue the tradition of bringing the live game experience to our passionate Mexican fans," dugang pa ni Silver.
Ang line-up sa Orlando naglangkob ni Aaron Gordon ug Mohamed Bamba, ang 7-footer nga sentro, kansang mga ginikanan mibalhin og puyo sa Amerika gikan sa Ivory Coast.
Mopakita'g aksiyon sa Jazz mao sila si Ricky Rubio ug reigning NBA Defensive Player of the Year Rudy Gobert, samtang ang Bulls gilangkuban nilang two-time NBA Slam Dunk champion Zach LaVine ug Finnish forward Lauri Markkanen.
- Latest