Domz Autoparts nakaiskor na og daog sa 13th J&J Surplus Basketball Tournament
CEBU, Philippines — Ang Domz Autoparts walay puangod nga milubong sa Union Galvasteel, 97-72 alang sa ilang unang daog sa 13th J&J Surplus Ballclub basketball tournament niadtong Sabado didto sa GT Academy gym sa Tayud, Lilo-an.
Mipabuhagay og 37 puntos si Capao aron pangulohan ang Domz Autoparts ni Domz Mercader nga aduna na'y 1-1 win-loss record.
Ang Union Galvasteel ni Arnold Labustro nga wala pa'y daog sa duha ka duwa gipangulohan sab ni Manolito Dejarme nga mipiko og 11 puntos.
Sa laing duwa, ang RJ Store miiskor sa ikaduha nilang sunod-sunod nga daog pinaagi sab sa paglubong sa VHA, 75-61.
Gipangulohan ni Terio Mendoza ang RJ Store nga mipupo og 14 puntos, gisundan ni Jay-R Yerro sa iyang 13 puntos.
Si Arnel 'Cdu' Pepito mitampo og 12 puntos, samtang si Joel Sayta miambit og 10 puntos sa team ni Jun Rayan Pepito nga nagbitbit na og 2-0 nga baraha.
Ang VHA ni Jojo Satuita bokya pa sa duha ka duwa.
Miiskor sab sa ilang ikaduhang daog ang Victorious Eagle batok sa Villa Reyna, 76-68.
Ang Victorious Eagle ni Danrex Bayonla nagbitbit na og 2-1 nga baraha, samtang ang Villa Reyna ni Joel Camillo adunay 1-2 record.
Puntos matag usa
Unang duwa:
DOMZ (97) – Capao 37, Cadao 19, Bercero 17, Icot 7, Cadampog 6, Gelido 5, Mercader 4, Arevalo 3, Bano 2.
UNION Galvasteel (72) – Dejarme 11, Tiongzon 10, Yballe 9, Gellocane 8, Gaite 8, Mantos 6, Macasero 6, Lozano 4, Judaya 4, Boyles 4, Labustro 2.
Ikaduhang duwa:
RJ Store (75) – Terio 14, Yerro 13, A. Pepito 12, Sayta 10, Montejo 7, Nogas 7, Arocha 6, Cortes 4, Caparroso 4, Rojo 2, Noynay 1.
VHA (61) – Gandionco 25, Lecciones 10, Layese 9, Rivera 9, Selgas 6, Sacol 2.
Ikatulong duwa:
VICTORIOUS (76) – Noble 24, B. Lascuna 12, Jalang 11, Sasing 8, Molo 7, Mahinay 6, Badajos 2, Patalot 2, Wagas 2, Indino 2.
VILLA Reyna (68) – Abenasa 19, Arnosa 16, Yurag 10, Desamparado 7, Arnado 4, Manuel 2, Dumon 2, Camillo 2, Onate 2, Radoc 2, Tradio 2. (BANAT NEWS)
- Latest
