Ginebra amoy na ang kampeonato

MANILA, Philippines — Nagtapos na ang mga blowout games na inirerek­lamo ng mga fans.

Kagabi ay nagsagupa sa isang matinding giyera ang nagdedepensang San Mi­guel at Barangay Gi­ne­bra.

Sa likod ng kabayani­han ni Scottie Thompson ay inungusan ng Gin Kings ang Beermen, 87-83, sa Game Five ng 2018 PBA Commissioner’s Cup Finals sa Smart Araneta Colise­um.

Tumapos si Thompson na may 20 points, ang apat dito ay kanyang iniskor sa dulo ng fourth quarter, at 11 rebounds para sa 3-2 bentahe ng Ginebra sa best-of-seven championship showdown nila ng San Miguel.

Kaagad kinuha ng Gin Kings ang 19-10 bentahe sa first period bago rumesbak ang Beermen sa pagtatayo ng 10-point lead, 34-24, mula sa basket ni im­port Renaldo Balkman sa 9:05 minuto ng second quarter.

 Matapos ang left-han­ded slam dunk ni Fajardo para sa 83-78 abante ng San Miguel ay nakadikit ang Ginebra sa 82-83 bu­hat sa basket ni Joe De­vance at dalawang free throws ni Thompson sa na­titirang 1:07 minuto.

Umiskor si Thompson para sa 84-83 abante ng Gin Kings sa nalalabing 36 segundo.