San Juan ‘di maawat sa pananalasa
Laro Bukas (Angeles University Foundation Gym, Angeles City)
7 p.m. Parañaque vs Pasay City
9 p.m. Pampanga vs Manila
MANILA, Philippines — Tinambakan ng San Juan Knights ang Laguna Heroes, 81-56 para mapanatili ang malinis na kartada habang naka-eskapo naman ang Bulacan Kuyas laban sa Davao Occidental Tigers via overtime, 88-85 sa pagpapatuloy ng 2018 MPBL Datu Cup noong Miyerkules ng gabi sa FilOil Flying V Center sa San Juan City.
Muling nagpakitang gilas ang dating PBA standout na si Larry Rodriguez sa kanyang 10 puntos, pitong rebounds, apat na assists, apat na blocks at dalawang steals upang masungkit ng Knights ang ika-limang sunod na panalo at manatili sa solo liderato sa Northern Division sa 5-0 card.
Bukod kay Rodriguez, tumulong din ng 13 puntos ang dating Ginebra player na si John Wilson at 11 naman mula kay Rian Ayonayon para manatiling natatanging koponan sa 26-team home and away league na wala pang talo.
Ang Laguna Heroes naman ni Alex Angeles ay bumagsak sa 2-3 record.
Sa iba pang laro, nangailangan ang Bulacan Kuyas ng overtime period para magwagi laban sa Davao Tigers at manatili sa four-way tie sa ikalawang puwesto kasama ang Bataan Risers, Mandaluyong El Tigre at Makati Skycrapers sa parehong 4-1 record sa Northern Division.
Ang Tigers ni coach Don Dulay ay bumaba rin sa 2-3 slate.
- Latest
