Rockets nangandam na sa pag-abot ni Melo
CEBU, Philippines – Wala pa'y pormal nga kontrata nga gipirmahan si veteran Carmelo Anthony, apan ang Houston Rockets coaching staff nangandam na sa ilang ihatag nga papel sa kanhi All-Star aron moepektibo kini uban kanila sunod season.
Gitakda karong buwana nga mopirma og kontrata ang 10-time All-Star sa Rockets.
Si Anthony hingpit na nga nahimong free-agent human niya gibalibaran ang usa ka tuig nga kontrata sa Atlanta Hawks diin siya gi-trade sa kanhi niya koponan nga Oklahoma City Thunder.
Ang NBA insider nga si Adrian Wojnarowski miingon nga usa ka tuig nga kontrata ang giandam sa Rockets alang ni Anthony, apan mahimo pa kining lugwayan depende sa ipakita sa multiple Olympic gold medalist.
Si Anthony nga nag-average og 16.2 points uban sa Thunder sa miaging season, makadugang sa opensa sa Rockets uban nila ni MVP James Harden ug Chris Paul.
- Latest
