Winless teams unahang bumangon sa PVL
MANILA, Philippines — Magbabakbakan ang apat na tropa sa pag-asang makuha ang kanilang unang panalo sa pagpapatuloy ng Premier Volleyball League Season 2 Collegiate Conference ngayong araw sa The Arena sa San Juan City
Magkukrus ang landas ng College of Saint Benilde at San Beda University sa alas-2 habang lalarga ang San Sebastian College-Recoletos kontra University of Perpetual Help System Dalta sa alas-4.
Hawak ng Lady Blazers, Lady Red Spikers at Lady Stags ang magkakatulad na 0-2 marka habang wala pang panalo ang Lady Altas sa tatlong pagsalang.
Maiksi lang ang kumperensiyang ito. Tanging ang Top 4 teams lang matapos ang eliminasyon ang uusad sa semis.
Kaya naman asahan ang matinding pukpukan ng mga winless team na uhaw na makuha ang unang panalo upang makahabol sa nangungunang FUE (3-0), UST (3-0), Adamson (2-0) at UP (1-0).
Maganda naman ang inilalaro ng Benilde.
Pinahirapan muna nito ang FEU bago isuko ang five-set loss sa kanilang unang laro habang umabot sa four sets ang kanilang ikalawang kabiguan kontra sa Adamson.
- Latest