Balkman, Santos, laing 3 gipamulta sa PBA

CEBU, Philippines — Lima ka players gikan sa San Miguel Beermen ug Barangay Ginebra ang gipamulta ni PBA Commissioner Willie Marcial tungod sa managlahing salaod atol sa Game 2 sa ilang 'best-of-seven' finals series sa PBA Commissioner's  Cup niadtong Domingo.

Ang labing nagrabehan mao sila si Renaldo Balkman ug Arwind Santos sa San Miguel kay gipamulta sila og P5,000 matag usa. Gipamulta si Balkman tungod sa iyang pakiglalis sa mga reperi ug pakigtinubagay sa mga magduduwa sa Ginebra, samtang si Santos gisilotan tungod sa iyang ngil-ad nga foul ngadto ni Ginebra guard Scottie Thompson.

Ang ilang teammate nga si Chris Ross gipabayad usab og P2,600 tungod sa duha niya ka technical fouls, samtang sila si Kevin Ferrer ug Joe Devance sa Ginebra nakabayad og P1,000 nga penalty matag usa tungod sa usa ka flagrant foul.