Bataan ipinagpag ang Imus
MANILA, Philippines — Umiskor si Byron Villarias ng 25 puntos upang iangat ang Bataan Risers sa 95-85 panalo laban sa Imus Bandera sa pagpapatuloy ng 2018 Maharlika Pilipinas Basketball League Datu Cup sa Navotas Sports Complex.
Si Villarias na dating naglalaro sa NLEX Road Warriors sa PBA ay nagpakita ng 5-of-7 shooting sa field para ihatid ang Risers sa ika-apat na sunod na panalo at umakyat sa solo second spot sa 4-1 win-loss kartada sa Northern Division.
Bunga ng kabiguan, patuloy na dumadausdos ang Bandera sa 1-3 record sa standing ng Southern Division.
Samantala, hindi natapos ang laro ng Muntinlupa at Navotas dahil sa nasirang rim ng Navotas Sports Complex basketball court, mahigit 1:35 pa ang nalalabi sa overtime kung saan lamang ang Cagers, 98-95.
Ayon kay MPBL commissioner Kenneth Duremdes, ipagpapatuloy na lang ang laro sa huling araw ng elimination round.
Hinikayat din ni Duremdes ang management ng Navotas Clutch na isaayos ang kanilang playing venue para sa kaligtasan ng mga manlalaro at ng mga fans.
- Latest