Generika, Smart unahan sa huling semis slot
MANILA, Philippines — Magtatagpo ang Generika-Ayala at Smart-Army ngayon para pag-agawan ang huling semifinal slot sa pagpapatuloy ng 2018 Philippine Superliga Invitational Conference sa FilOil Flying V Center sa San Juan City.
Asahan na ang mainit na sagupaan ng Giga Hitters at Lifesavers sa alas-7 ng gabi dahil nakataya rito ang huling semis slot.
Ang magwagi ang haharap naman laban sa Petron Blaze sa do-or-die semifinals sa Sabado.
Maghaharap din ang UE-Cherrylume at Cocolife para sa pang-siyam na puwesto sa alas-2 ng hapon habang maglalaban din ang University of the Philippines-UAI at Foton sa alas-4:15 para sa pang-pitong puwesto.
“We will have a lot of adjustments on offense because our players are not so tall. But when it comes to defense, we will not have any problem since it has been our advantage for our past wins,” sabi ni Generika-Ayala coach Sherwin Menese.
Pangungunahan nina Patty Orendain, Bang Pineda, Fiola Ceballo, Kat Arado at middle blockers Angeli Araneta at Ria Meneses ang Lifesavers ni coach Sherwin Meneses.
- Latest
