Lebron inspirasyon sa batan-ong Lakers
CEBU, Philippines — Inspirado kaayo nga miduwa ang mga sophomore ug rookie players sa Los Angeles Lakers dihang nasayran nila nga mitan-aw sa ilang duwa sa NBA Summer League si LeBron James.
Si James nga atua na magtikawtikaw sa Los Angeles midalikyat og tan-aw sa duwa sa Lakers nga milubong sa Detroit Pistons sa iskor nga 101-78.
Ang rookie nga si Svi Mykhailiuk maoy nangulo sa Lakers nga mipupo og 19 puntos ug ang sophomore nga si Josh Hart mitampo'g 18 puntos.
Human sa duwa, si James daling migawas sa binyu kay ang kanhi niya koponan nga Cleveland Cavaliers maoy sunod nga moduwa.
Gipilde sa Cavaliers ang Toronto Raptors aron moabante sa semifinals batok sa Lakers. (BANAT NEWS)
- Latest