Spring Rain Mission's Cup moulbo karon
CEBU, Philippines — Ang ikalima nga season sa Spring Rain Mission's Cup Inter-Clergy Basketball Tournament mosikad na karong adlawa diha sa Capitol Parish gym.
Dose ka teams nga representahan sa manuwaay mga pari gikan sa nagkalainlain diocese ug religious congregations lukop nasud ang magtigi alang sa kampiyonato. Ang mga koponan moduwa sab alang sa ilang piniling adbokasiya.
Lakip sa mga koponan nga mopakita'g aksiyon mao ang Augustinian Recollect (Padres Recoletos), Diocese of Cebu (Cebu Clergy), Rogationist, Diocese of San Carlos (Ubuntu), Diocese of Calbayog (Survivors Clergy Region 8), Diocese of Maasin (Maasin Clergy), St. Camillus (Camillians), Diocese of Kalibo (Pari it Akean), Canossians (Canossians Selection), Diocese of Davao (Davao Gilas), OSA-OAD (Augustinians) ug ang Diocese of Antique (Greenkeepers).
Gawas sa tropeyo, ang mokampiyon makadawat og ganting salapi nga maoy gamitong pundo sa team's chosen advocacy. (BANAT NEWS)
- Latest