Veteran balik sa Cavs, Parker sa Bulls
CEBU, Philippines — Human siya gi-trade sa Cleveland Cavaliers niadtong miaging season, ang veteran shooter nga si Channing Frye mubalik og duwa sa koponan human siya mipirma og usa ka one-year contract.
Si Frye kinsa anaa na sa NBA sukad niadtong tuig 2005, usa sa mga sinaligan ni Cavs owner Dan Gilbert nga mogiya sa batan-on nga Cavs nga mubangon human biyai ni LeBron James kinsa atoa na sa Los Angeles Lakers.
Sa laing bahin, nakakuha og kasaligang forward ang Chicago Bulls human mipirma kanila og kontrata ang kanhi No.2 pick nga si Jabari Parker.
Si Parker kinsa mi-average og 15.3 points sa miaging season, mihukom nga mobiya sa Milwaukee Bucks ug mutapon sa Bulls sa pamasin nga siya ang mamahimong usa sa mga star. (BANAT NEWS)
- Latest