Beermen itinagay ang Game 1
Laro Ngayon(Smart Araneta Coliseum)
7 p.m. Ginebra vs Rain or Shine (Game 1, Semis)
MANILA, Philippines — Nang magposte ang nagdedepensang San Miguel ng 18-point lead sa third quarter ay hindi na nakalapit pa ang Alaska.
Binalasa ng Beermen ang Aces, 92-79 sa Game One ng kanilang best-of-five semifinals series para sa 2018 PBA Commissioner’s Cup kagabi sa MOA Arena sa Pasay City.
Nagtulung-tulong sina import Renaldo Balkman, four-time PBA MVP June Mar Fajardo at Marcio Lassiter para sa 1-0 bentahe ng San Miguel sa kanilang best-of-five semis duel ng Alaska.
Itinayo ng Beermen ang 12-point lead, 50-38 mula sa dalawang free throws ni Fajardo sa hu-ling dalawang minuto ng second period hanggang palobohin ito sa 59-41 sa unang dalawang minuto ng third quarter.
Ilang beses nagpilit makadikit ang Aces, ang huli ay sa 75-86 buhat sa dalawang charities ni import Diamon Simpson sa 4:52 minuto ng final canto.
Ngunit ang three-point shot ni Arwind Santos at split ni Fajardo ang muling naglayo sa San Miguel sa 90-75 sa huling 1:58 minuto ng laro.
Samantala, maghaharap naman ang Rain or Shine at Barangay Ginebra ngayong alas-7 ng gabi sa Game One ng kanilang best-of-five semifinals wars sa Smart Araneta Coliseum.
Winalis ng Gin Kings ang karibal na Meralco Bolts, 2-0 sa kanilang best-of-three quarterfinals showdown habang tinalo ng Elasto Painters, nagbitbit ng ‘twice-to-beat’ advantage bilang No. 1 team, ang No. 8 Globalport Batang Pier, 103-97.
Sinabi ni resident import Justin Brownlee na hindi dapat maging kuntento ang Ginebra sa pagpasok sa semifinals.
“I never wanted to be satisfied,” wika ni Brownlee. “I want to be better. We, as a group, we are not satisfied. We want to be better everyday and that hunger of getting better.
- Latest
