Basilan umiskor ng panalo sa Cebu
MANILA, Philippines — Nasungkit din ng Basilan Steel ang kanilang unang panalo matapos magwagi laban sa Cebu City Sharks, 86-76 sa pagpapatuloy ng 2018 Maharlika Pilipinas Basketball League Datu Cup noong Huwebes ng gabi sa Strike Gym sa Bacoor, Cavite.
Umiskor ang dating PBA standout na si Dennis Daa ng 25 puntos kabilang na ang apat sa krusyal stretch ng laro para sa unang panalo sa tropa ni coach Joseph Romarate sa tatlong asignatura sa Southern Division.
Bukod sa fall away jumper at dalawang free throws ni Daa, komunekta rin ng isang triple at isang lay-up si Macky Acosta para sa Basilan at ibagsak ang Cebu Sharks sa 0-3 win-loss kartada.
Sa iba pang laro, naka-eskapo naman ang Bulacan Kuyas laban sa host Bacoor Strikers, 77-76 para angkinin ang ikalawang panalo sa tatlong laban.
Nag-poste si Jay-Arr Taganas ng kanyang pang-anim na double-double performance makaraang umani ng 14 puntos at 11 rebounds para sa Bulacan at ibaon ang Bacoor sa 1-2 win-loss record.
- Latest