Nonito Donaire moapil sa eight-man boxing super series
CEBU, Philippines – Ang kanhi Filipino boxing champion nga si Nonito Donaire Jr. usa sa moapil sa eight-man boxing super series diin ang modaog mamahimong hari sa bantamweight division ug pabawnan pa og prize money nga $10 million.
Si Donaire nga napilde ni Irish Carl Frampton niadtong Abril, nakahukom nga mobalik sa bantamweight division tungod kay nakita niya nga dagko ra kaayo iyang mga kaatbang sa featherweight.
"The format is simple – it's one loss and you're out. So you've got to keep winning. There's a guaranteed purse for every fight. The top bantamweights of the world are participating so in the end, the winner will be the undisputed champion," matud pa ni Donaire sa Philippine STAR, ang igsuong mantalaan sa Banat News.
Dili sayon ang atubangon ni Donaire tungod kay apil sa maong boxing series sila si WBO king Zolani Tete sa South Africa, WBA champion Naoya Inoue sa Japan, IBF title holder Emmanuel Rodriguez sa Puerto Rico, WBA super king Ryan Burnett, Jason Maloney sa Australia ug Juan Carlos Payano sa Dominican Republic.
- Latest
