Romeo dili silotan
CEBU, Philippines – Walay ipahamtang nga silot si PBA Commissioner Willie Marcial ngadto ni TNT KaTropa superstar ug Gilas Pilipinas cager Terrence Romeo nga kontrobersiyal human malambigit sa usa ka rambol sa usa ka bar niadtong Miyerkules.
Si Marcial personal nga nakighinabi ni Romeo aron sutaon kun unsa gyud ang tinuoray nga nahitabo sa usa ka bar didto sa Quezon City.
Nagkanayon si Marcial nga gipasabot siya og maayo ni Romeo ug gipakita usab siya og mga video pagpamatuod nga wala manguna ang superstar sa pikas grupo nga maoy ilang gikabangi.
"Kausap ko si Terrence kanina tungkol sa insidente. Nakita ko din 'yung CCTV. Sabi nga niya linapitan siya, tinapik siya sa dibdib sabay sinakal siya. Ang ginawa niya, pumiglas siya, tapos umawat away siya.Pumunta siya sa presinto. Humingi ng sorry 'yung nakaaway. Pinatawad naman niya para wala ng usapan," matud pa ni Marcial sa Spin.ph.
Bisan pa niini, si Marcial mipahimangno dili lang ni Romeo, apan apil na ang tanang mga magduduwa nga magmatngon sa ilang mga lihok ilabi na kon anaa sa gawas sa playing court.
Kahinumduman nga sa miaging buwan, duha ka players nga sila si Jeron Teng sa Alaska Aces ug Jason Ballesteros sa Rain or Shine Elasto Painters ang nabiktima sa pagpanunggab sa usa gihapon ka bar.
- Latest