Tornadoes nakatikim na ng panalo
MANILA, Philippines — Nagtulung-tulong ang magkapatid na Jaja Santiago at Dindin Santiago-Manabat para iangat ang Foton sa 25-10, 23-25, 25-22, 25-19 panalo laban sa University of the Philippines-United Auctioneers at pumasok sa win column kahapon sa pagpapatuloy ng Superliga Invitational Conference sa Imus Sports Center sa Imus, Cavite.
Ngunit, nahirapan din ang Tornadoes sa pagsungkit sa kanilang unang panalo dahil lumaban ng husto sina Marian Buitre, Isa Molde, Justine Dorog, Rose Cailing at Adrianna Lagman kaya umabot sa apat na sets ang laban bago tuluyang yumuko ang Lady Fighting Maroons sa isang oras at 40 minutong labanan.
“Na-impressed ako sa panalo namin ngayon. At least nakuha na namin ang unang panalo. Ang ginawa naming paghihirap sa training ay nagbunga na rin,” ayon kay Dindin.
Samantala, magaang na naibulsa naman ng Philippine national women’s volleyball team ang panalo kontra sa Cignal HD, 25-21, 25-15, 25-21 sa non-bearing games.
- Latest