Makati itataya ang katatagan vs Batangas
MANILA, Philippines — Itataya ng Makati ang malinis na kartada sa pagharap laban sa Anta Rajah Cup champion Batangas City habang magtatagpo naman ang Caloocan at Rizal sa pagpapatuloy ng 2018 Maharlika Pilipinas Basketball League (MPBL) Datu Cup ngayon sa Batangas City Coliseum.
Tangan ang 2-0 win-loss card, haharapin ng Skyscrapers ni coach Cholo Villanueva ang Athletics sa alas-9 ng gabi pagkatapos ng laban ng Caloocan at Rizal sa alas-7 ng gabi.
Malakas ang kumpiyansa ng Skyscrapers bunga ng dalawang sunod na panalo, ang huli ay sa Manila Stars, 99-98 noong Hunyo 28 makaraan ang kanilang unang pananaig laban sa Basilan Steel, 77-65 noong Hunyo 19.
Sa panig naman ng Athletics, gusto ni coach Mac Tan na bumawi agad mula sa kanilang natamong 67-81 kabiguan sa mga kamay ng Bataan Risers noong Hunyo 27.
- Latest