Aces sinementuhan ang quarterfinals cast
Laro Ngayon
(Smart Araneta Coliseum)
4:30 p.m. TNT Katropa vs Rain or Shine
6:45 p.m. San Miguel vs Magnolia
MANILA, Philippines — Kasabay sa pagpigil sa kanilang dalawang sunod na pagbulusok ay tuluyan nang inangkin ng Alaska ang ikalawa at huling ‘twice-to-beat’ incentive at kinumpleto ang eight-team quarterfinals cast.
Pinangalagaan ng Aces ang itinayong double-digit lead para sibakin ang Phoenix Fuel Masters, 114-91 sa 2018 PBA Commissioner’s Cup kahapon sa Cuneta Astrodome sa Pasay City.
Ang pang-walong panalo ng Aces sa 11 laro ang nag-upo sa kanila sa No. 2 sa ilalim ng No. 1 Rain or Shine, kapwa magbibitbit ng ‘twice-to-beat’ advantage sa quarterfinals laban sa No. 7 at No. 8 teams, ayon sa pagkakasunod.
Naglista si Vic Manuel ng 28 mula sa 13-of-18 fieldgoal shooting bukod pa ang 9 rebounds, 2 assists at 2 steals para sa Aces.
Ang pagkakasibak naman sa Phoenix ang nagpasok sa Barangay Ginebra, Globalport at Magnolia sa quarterfinals.
Mabilis na naitayo ng Aces ang 34-17 bentahe sa first period bago nakalapit ang Fuel Masters sa halftime, 42-53.
Ang split ni Simpson ang nagbigay sa kanila ng 16-point lead, 60-44 sa 8:50 minuto ng third quarter laban sa Phoenix.
Lalo pang ibinaon ng Alaska ang Phoenix sa 108-81 buhat sa three-point shot ni Simon Enciso sa huling 2:39 minuto ng final canto.
- Latest