Wizards giingong mokuha ni Howard
CEBU, Philippines – Ang Washington Wizards gikatakda nga mopapirma ni Dwight Howard og usa ka tuig nga kontrata.
Aron siya makasud sa Wizards, si Howard gikinahanglan nga mohimo og negosasyon aron paliton ang iyang kontrata gikan sa Brooklyn Nets nga maoy mikuha kaniya sa miaging bulan gikan sa Charlotte Hornets.
Sa 81 niya ka duwa uban sa Hornets sa miaging season, si Howard mi-average og 16.6 points ug 12.5 rebounds.
Kon hingpit nang madayon ang iyang pagbalhin, ang Wizards mao unya ang ikalimang team ni Howard sa NBA sukad niadtong 2015 ug ikapito sa kinatibuk-an.
Sud lamang sa kapin sa 1,000 ka duwa, ang kanhi first round draft pick nakaduwa uban sa Los Angeles Lakers, Houston Rockets, Atlanta Hawks, Orlando Magic ug Hornets.
Sa 15 ka tuig niyang karera, si Howard mo-average og 17.4 points ug 12.7 rebounds matag duwa.
- Latest
