Magnolia delikado maamong sa NLEX
CEBU, Philippines – Nabutang karon sa lisud nga sitwasyon ang Magnolia Hotshots ug kinahanglan sila nga modaog batok NLEX Road Warriors aron makakuha og luna sa playoffs sa PBA Commissioner's Cup.
Ang Magnolia nga ikawalo sa standing sa ilang 4-5 record, makigsangka sa Road Warriors sa alas-7 sa gabii human sa duwa tali sa San Miguel Beermen ug Blackwater Elite nga magsugod alas-4:15 sa hapon didto sa Mall of Asia Arena.
Lauman ni coach Chito Victolero ang bag-o niyang import nga si Wayne Chism nga maoy ikaupat nga nipuli isip import sa Hotshots karon nga conference sunod nila ni Vernon Macklin, Curtis Kelly ug Justin Jackson.
Ang 2-8 nga NLEX wala na'y tsansa sa playoffs ug ang ilang tuyo mao na lang ang pangamong sa Magnolia.
- Latest