Horn, Crawford magsukmagay na
CEBU, Philippines — Si WBO welterweight champion Jeff Horn naglisud pagkuha sa ensaktong timbang nga makadiskaril unta sa labing una niyang depensa.
Nakab-ot ra hinuon ni Horn ang 147 ka libras nga timbang human nagpasingot og maayo sud sa duha ka oras ug salamat madayon gyud ang pagpanalipod niya sa iyang bakus batok sa walay pildeng challenger nga si Terence Crawford karong adlawa didto sa MGM Grand sa Las Vegas, Nevada.
Nakampiyon si Horn human gipukan si Manny Pacquiao pinaagi sa kontrobersiyal nga desisyon dul-an usa ka tuig na ang nakalabay didto sa yuta niyang natawhan sa Brisbane, Australia. Ang duha ka boksidor parehong walay pilde, apan mas impresibo si Crawford nga nagtangag og 32-0 record uban ang 23KOs. Si Horn dunay 18-0-1 nga baraha uban ang 12KOs.
- Latest