Pacquiao relaks, malipayon sa training camp
CEBU, Philippines — Relaks ug malipayon kaayo si Pinoy ring star Manny Pacquiao sa iyang training camp alang sa umaabot niining away batok ni Lucas Matthysse.
Ang bugtong eight-division sa kasaysayan sa boksing gikatakda nga mohagit ni Matthysse, ang WBA welterweight champion, sa giatngan niyang comeback fight karong Hulyo 15 didto sa Kuala Lumpur, Malaysia.
Mao kini ang una niyang away sukad siya nahuboan sa iyang bakus isip WBO welterweight champion human mapilde pinaagi sa controversial decision batok ni Jeff Horn dul-an usa ka tuig na ang milabay didto sa Brisbane, Australia.
Sa ilang pagpangandam batok ni Matthysse, ang strength ug conditioning coach ni Pacquiao nga si Jusin Fortune nagkanayon nga wala kaayo nila lisud-lisura ang ilang batos.
Sa iyang tan-aw, wala pa gihapon mobahar ang kapaspas ug kaabtik ni Pacquiao mao nga angayan gyud nga magbantay si Matthysse. Alang ni Fortune, wala siya'y nakitang problema ni Pacquiao kun magpabilin lang kining relaks ug malipayon.
- Latest