Blazers wagi sa Tigers
MANILA, Philippines — Tuloy ang pananalasa ng College of Saint Benilde nang paamuhin nito ang University of Santo Tomas, 99-87 upang manatiling walang bahid ang kanilang rekord sa Filoil Flying V Preseason Cup kahapon sa Filoil Flying V Arena sa San Juan City.
Halimaw si Senegalese big man Clemente Leutcheu na may double-double na 22 points at 15 rebounds kasama pa ang anim na assists para hilahin ang Blazers sa ikalimang sunod na panalo sa Group B.
Nagdagdag naman si Edward Dixon ng 16 markers habang umani si JJ Domingo ng 14 puntos para bigyan ng solidong suporta si Leutcheu.
Parehong desidido ang dalawang tropa na makuha ang panalo kaya’t naging pisikal na ang laro kung saan napatalsik sina James Pasturan ng Blazers at Ira Bataller ng Growling Tigers.
Dalawa pang UST players ang na-foul out sa laro.
“There were missed calls but that’s (physical game) what we need, this kind of environment. It’s going to help us toughen up (for our NCAA campaign). Our players haven’t had a good physical match and I think it’s a good experience for us. I think we just handled that well,” ani Benilde mentor Tyrone Tang.
Hindi nakapaglaro si prized recruit Justin Gutang na nagtamo ng injury sa pre-game warm-up.
Masuwerte na lang at umangat ang laro ng iba pang bataan ni Tang.
- Latest
