Warriors gusto mubawos
CEBU, Philippines — Nagpanikad na ang kontrobersyal nga All-Star sa Golden State Warriors nga si Draymond Green nga moduwa karon diin mibahad sila nga mubawos sa Houston Rockets human sa ilang lubong nga kapildehan.
Human gilat-an sa Rockets, 105-127 sa Game 2, ang Warriors gusto nga musakmit sa 2-1 bintaha sa pagtapon sa ilang Western Conference finals series ngadto sa ilang balwarte sa Oracle Arena.
Si Green nagkanayon nga nasakit sila sa ilang kapildehan ug idiga nila ang tanan karon aron makabawos. "It’s time to play. I think we’re at our best when we feel threatened,” matud pa ni Green sa Associated Press.
Si Green uban nila ni Kevin Durant, Stephen Curry ug Klay Thompson maoy atangan nga mobida karon sa Warriors batok sa Rockets.
Gidugang ni Green nga pahugtan nila ang ilang depensa ilabi na sa duha ka stars sa Rockets nga sila si James Harden ug Chris Paul kinsa miarte pag maayo sa miaging duwa. (BANAT NEWS)
- Latest
