Yoyi's Pastries mipukan sa Micaela; No. 2 sa FYA Caging

CEBU, Philippines – Ang defending champion Yoyi's Patries & Dessert mao gyud ang miangkon sa no. 2 spot human makaeskapo bitbit ang 90-88 nga kadaogan batok sa Micaela sa FYA  Summer League 2018 basketball tournament niadtong Huwebes didto sa Vicente Sotto gym sa Punta Princesa, Cebu City.

Sila si Jao Rabadon ug Ryan Villaver maoy nangu sa tagsa-tagsa nila ka koponan. Si Rabadon misansan og 29 puntos sa Yoyi's Pastries ni Ahlmark Albaracin, samtang  29 puntos sab ang naugkat ni Villaver alang sa napildeng Micaela nilang Noel Medalle ug Edgar Noquillo.

Lain pang miiskor og double digits sa Yoyi's Pastries mao silang Juls Aglipa ug Jim Rara sa ilang 15 ug 12 puntos.

Nakalabaw pa ang Micaela, 75-71, apan didto ra kutob ang maayo nilang salida kay si Rara miposa sa iyang krusyal nga tira nga maoy pabilo sa mainitong rally sa Yoyi's Pastries.

Sa katapusang nuybe segundos sa duwa, aduna pa unta'y chance ang Micaela nga mokawat sa daog, apan wala masud ang 3-point shot ni Villaver nga nakahanaw sa ilang damgo.

Gawas ni Villaver, laing naka-double figures sa Micaela mao sila si Ranel Patalita, Jerry Noquillo ug Abay Labrador.

Bisan pa sa kapildihan, ang Micaela nakahig gihapon sa Magic Four isip no. 3 uban sa CRV nga maoy mikapyot sa ikaupat   human midaog batok sa The Bros, 79-72.

Ang topseed Harold's Hotel uban sa Yoyi's Pastries, Micaela ug CRV nakaangkon og 'twice-to-beat' advantage sa quarterfinals diin ang no. 1 moharong sa no. 8, no. 2 batok no. 7, no. 3 batok no. 6 ug no. 4 batok no. 5. Ang mga modaog moabante sa semifinals.

PUNTOS MATAG USA

Unang duwa:

YOYI'S Pastries (90) – Rabadon 29, Aglipa 15, Rara 12, Wabe 8, Sydongco 7, Mata 6, Martinez 5, Albaracin 4, Auditor 2, Salvador 2.

MICAELA (88) – Villaver 29, Patalita 17, J. Noquillo 15, Labrador 14, N. Medalle 9, Abella 5, E. Noquillo 4, D. Tabares 2, Arias 2, R. Tabares 2.

Ikaduhang duwa:

CRV (79) – Enriquez 20, Silvano 17, Reubal 16, Dimol 10, Rama 9, Tabaña 7.

THE BROS (72) – S. Arreglo 37, Gillangao 17, Arreglo 9, Rubi 7, Abella 2.