Mandaue Spikers unang miabante sa Gov's Cup
CEBU, Philippines – Ang Mandaue City mipilde sa Catmon sa tulo ka sets sa Game-1 sa ilang 'best-of-three' North division finals series sa 2018 Governor's Cup Inter-Cities and Municipalities Under-18 Developmental Volleyball Tournament sa miaging gabii sa Mandaue City Sports Complex.
Sa unang set, ang Mandaue miagi una og makuyaw nga dalan sa wala pa moposte og 25-23 nga kadaogan. Ang Mandaue miposte og 9-2 nga labaw, apan ang Catmon mibawos aron pagtabla sa iskor, 23-23.
Dali ra sab hinuon nga nakabawos ang Mandaue pinaagi nilang Trista Castro ug Sheila Mae Kiseo hinungdan nga nakaipsot sila ngadto sa dos puntos nga daog.
Ang Catmon padayon nga migukod sa Mandaue sa ikaduhang set, apan ang Mandaue mao gihapon ang mipatigbabaw, 25-22.
Sa ikatulong set, sila si Kiseo, Kirsten Chanel Petancio ug Jolly Velasquez nagtinabangay aron pagsilyo sa daog sa Mandaue, 25-19.
Mahimo nang langkaton sa Mandaue ang division title, apan mangandam sila sa usa ka dakong gubat kay mobiyahe man sila sa Catmon alang sa Game- 2 karong alas-7 sa gabii didto sa Catmon municipal gym.
- Latest
