Curry wala ma-alarma

CEBU, Philippines – Wala maalarma si two-time NBA MVP Stephen Curry human gilat-an og 22 puntos ang Golden State Warriors sa Houston Rockets sa Game-2 sa ilang 'best-of-seven' Western Conference finals niadtong Miyerkules didto sa Toyota Center sa Houston, Texas.

Tabla karon ang ilang serye, 1-1.

Sa maong duwa  mikagar ang mga tirada ni Curry diin siya mipasud lamang og pito sa 19 niya ka itsa ug usa lamang sa walo niya ka tres ang iyang naigo. Aduna man tuod siya'y  16 puntos, apan wala kaayo mabatyagi ang iyang presensiya sa Warriors.

Bisan pa man niini, si Curry miinsister nga wala sila magpanik.

Naglantaw hinuon ang Warriors sa unahan nga napuno sa kadasig gumikan kay sila man maoy mo-host sa Games 3 ug 4 karong Lunes ug Miyerkules.