Parks Jr. dismayado patakaran sa mpbl

CEBU, Philippines – Mipalag si Ray Parks Jr. sa patakaran ni Maharlika Pilipinas Basketball League (MPBL) commissioner Kenneth Duremdes nga limitahan lang og usa ka Fil-foreign player matag koponan alang sa sunod season sa liga.

Si Parks Jr. nga gikatahong moduwa sa Mandaluyong El Tigres, nagpanagana na nga moduwa ug mosuporta sa liga kay alang kaniya dakong insulto alang sa mga Fil-foreign players.

Ang two-time ABL MVP nagkanayon nga dili siya katuo sa  desisyon ni Duremdes  daw wala sila isipa nga usa ka tinuod nga Pinoy.

Ang pambato sa Alab Pilipinas miingon nga walay unod ang maong patakaran tungod kay wala siya'y nakita nga dili makiangayon kun daghang Fil-foreign players ang manuwa sa liga nga gipasiugdahan sa Pinoy boxing superstar ug Senator nga si Manny Pacquiao.

Gumikan niini, si Parks wala na'y klaro kun mopadayon ba kini sa pagduwa sa MPBL o magpapili na lang sa umaabot nga PBA rookie draft.