Belga dinadaga sa pagsali sa obstacle course
MANILA, Philippines — Magiging kakaiba para kay Rain or Shine center Beau Belga ang 2018 PBA All-Star week.
Ito ay dahil isa si Belga sa 12 big man na matutunghayan sa Obstacle Challenge na magtatampok sa kanilang mga dribbling, passing at shooting skills.
Ito pa lamang ang unang pagsabak ng 6-foot-6 na si Belga sa skills challenge na para lamang sa mga maliliit na players.
“Never, hindi pa. Kaya nagulat nga ako na ganun yung format nila ngayon,” wika ni Belga sa isa sa mga special side events na gagawin sa second leg ng All-Star extravaganza sa Batangas City sa Mayo 25.
Bukod kay Belga, ang iba pang kasali sa event ay sina Kelly Nabong (Globalport), Raymond Aguilar (Barangay Ginebra), Sonny Thoss (Alaska), JP Erram (Blackwater), Russell Escoto (Columbian Dyip), Ken Bono (Meralco), Justin Chua (Phoenix), Aldrech Ramos (Magnolia), Yancy de Ocampo (San Miguel), Yousef Taha (TNT Katropa) at one-time MVP Asi Taulava (NLEX).
- Latest
