Standhardinger nabag-ohan sa pisikal nga duwa
CEBU, Philippines — Nakabawi na sa iyang duwa si Christian Standhardinger dihang mirehistro siya og 15 puntos sa San Miguel Beermen nga napilde ngadto sa Rain or Shine Elasto Painters sa iskor nga 119-123 sa PBA Commissioner's Cup niadtong Domingo.
Si Standhardinger miangkon nga lahi sa ubang mga liga nga iyang giduwaan kaniadto, grabe ka pisikal ang duwa sa PBA ug kinahanglan niyang palig-onon pa iyang lawas aron makasugakod siya sa mga hampak ug binanggaanay sud sa korte.
Nakatilaw si Standhardinger og lisud nga duwa gikan sa depensa sa Painters, usa sa mga labing pisikal nga koponan sa liga.
Mipasalig hinuon ang San Miguel rookie nga maka-adjust ug makuha niya ang saktong timpla sa iyang duwa sa liga. (BANAT NEWS)
- Latest