Balipure masusukat ng Iriga-Navy

Laro Ngayon(FilOil Flying V Centre, San Juan City)

10 a.m. – Air Force vs PLDT (men’s)

12 n.n – IEM vs Army (men’s)

4 p.m. – Iriga-Navy vs BaliPure (women’s)

6:30 p.m. – Petro Gazz vs Tacloban (women’s)

MANILA, Philippines — Mag-uunahan sa pagbangon mula sa kabiguan ang Petro Gazz at Tacloban, habang ipaparada ng BaliPure ang matikas na line-up.

Magtutuos ang Petro Gazz at Tacloban ngayong alas-6:30 ng gabi matapos ang pagkikita ng BaliPure at Iriga-Navy sa alas-4 ng hapon sa Premier Volley­ball League Reinforced Con­ference sa Filoil Flying V Center sa San Juan City.

Ipaparada ng Purest Water Defenders ang mga spikers mula sa  ‘four-peat’ UAAP girls volley champion na National University.

Ang tropa ay pangungu­nahan nina two-time UAAP MVP at two-time Finals MVP Faith Nisperos at three-time Best Setter Joy­me Cagande.

Makakasama nina Nis­peros at Cagande sina UAAP Season 80 MVP Mhi­caela Belen, libero Jen­nifer Nierva, Alyssa So­lomon, Ivy Lacsina at Prin­cess Robles na naglaro pa­­ra sa Lady Bulldogs, nag­reyna sa inaugural PVL Collegiate Conference no­ong nakaraang taon.

Ang mga NU seniors team members ng BaliPure ay sina Rica Diolan, li­bero Gayle Valdez, Ros­leyn Doria, Roma Joy Doromal at Audrey Paran at ita­tampok si import Alexis Ma­thews.

Huhugot naman ng la­kas ang Iriga-Navy Ora­gons kina imports Macy Ub­ben at Lauren Whyte ka­tulong sina local veterans Grazielle Bombita, Charmaine dela Cruz, Janet Serafica, Shyrra Cabriana, Reynelen Raterta, Hezzymie Acuña at Diane Ticar.

Kapwa naman target ng Petro Gazz at Tacloban ang una nilang panalo matapos mabigo sa pagbubukas ng torneo.

Sa men’s division, mag­lalaban ang Air Force at PLDT sa alas-10 ng umaga kasunod ang bakbakan ng Instituto Estetico Mani­la at Army sa alas-12 ng tanghali.