E-F Surplus, RJ Store pabiling wa’y pilde

CEBU, Philippines – Miarangkada na sab ang defending champion E-F Surplus ug padayong nag-una sa standing sa bracket A sa J&J Surplus Season 12 basketball tournament niadtong Martes didto sa GT Academy gym sa Tayud, Lilo-an.

Ang E-F Surplus mipilde sa Gramercy, 101-93 alang sa ilang 40-0 win-loss record.

Ang team owner nga si Fury ‘Triggerman’ Trazona nga mikamada og 21 puntos mao mismo ang miagak sa iyang koponan ngadto sa kadaogan.

Nakakuha sab siya og maayong suporta gikan nilang Tingan Gestopa ug Anton Trangia nga miratsada’g 20 puntos matag usa, samtang si Loloy Sabang miariya’g 10 puntos sa E-F Surplus nga dominante kaayo gikan sa pagsugod hangtod nahuman ang duwa. Upat sab ka magduduwa sa Gramercy ang miiskor og double figures ubos sa pagpangu ni W. Herra sa iyang 28 puntos.

Sa laing duwa, ang RJ Store pabilin sab nga wa’y pilde sa tulo ka duwa human ilang gibihag ang CCKMS, 70-60. Si Armian Suson mipatuasik og 23 puntos aron pangulohan ang RJ Store ni playing team manager Jun Rayan Pepito. Si Gumayon mao sab ang nangu sa CCKMS pinaagi sa iyang 21 puntos.

Sa lain pang aksiyon, ang Team Bang mikiskis sa Union Galvasteel ni Arnold Labustro, 89-82.

Ligas kaayo ang duwa sa fourth quarter, apan ang Team Bang mao gyud ang nakahakop sa daog.

Gipasiugdahan sa presidente niining si Henry Agbon, ang liga  ubos sa superbisyon ni commissioner Fury Trazona sa abag nilang Jeper Inahid, Russell Dacalos ug Choy Pilapil.

PUNTOS MATAG USA

Unang duwa:

E-F Surplus (101) – Trazona 21, Gestopa 20, Trangia 20, L. Sabang 10, A. Sabang 9, Ponce 7, Caballes 5, Igoy 3, J. Betinol 2, Jubay 2.

GRAMERCY (93) – W. Herra 28, Ano-os 26, Cabahug 16, Cuyos 15, Herra 8.

Ikaduhang duwa:

RJ Store (70) – Armian 23, Skyleigh 9, Caparroso 8, Yerro 8, Cdu Pepito 6, Brigoli 6, Rojo 5, R. Pepito 4, Sayta .

CCKMS (60) – Gumayon 21, Apostol 9, Laurito 6, Tampus 6, Sabang 5, Nadera 5, Payod 4, Vilban 2, Roy 2.

Ikatulong duwa:

TEAM BANG (89) –  Tabon 18, Joel 15, Ronel 11, Atoy 9, Christian 9, Ayang 6, Lamboy 6, Ian 5, Rogen 5, Raffy 2.

UNION Galvasteel (82) – Dejarme 20, Boyles 20, R. Mantos 12, Gellocane 11, Arlabs 9, Labustro 4, J. Mantos 4.