PSC sa NSA: No liquidation, no funding

MANILA, Philippines — Mahihirapan ang mga National Sports Associations (NSAs) na may unliquidated cash advances sa Philippine Sports Commission (PSC) na makakuha ng tulong pinansyal mula sa sports agency sa kanilang  paghahanda para  sa 18th Asian Games sa Agosto sa Indonesia.

Sinabi ni PSC Commissioner Charles Maxey na wala silang magagawa kundi ibasura ang requests ng ilang NSAs na may liquidation problems.

“Marami kami na-deny,” wika ni Maxey sa mga NSAs. “Even those for the Asian Games preparations. It’s due to their unliquidated financial assistance.”

Mula sa naunang P300 milyon ay humigit-kumulang sa P100 milyon ang natitira pang unliquidated financial assistance ng mga NSAs.

“It’s clear under the law (Republic Act 6847) that we cannot continue providing financial assistance to NSAs that are unliquidated,”  litanya pa ni Maxey.

May tatlong buwan na lamang ang mga NSAs para paghandaan ang 2018  Asian Games.

Patuloy na nakakatanggap ang komisyon ng mga sulat mula sa Commission on Audit (COA) kaugnay sa mga cash advances ng mga NSA.

Sinabi ni Maxey na ang PSC ang mananagot sa COA kaugnay sa mga NSAs na may problema sa liquidation.

“It clearly says, ‘No liquidation, no funding,’” paglilinaw pa ng PSC Commissioner. “We just cannot continue funding because the COA will go after us. Kami ang hahabulin ng COA.