Magic mitaktak ni coach Vogel

CEBU, Philippines - Gipalagpot sa Orlando Magic ang ilang head coach nga si Frank Vogel human sa duha ka tuig nga nagkagidlay uban sa Florida franchise.

Ubos sa pagtimon ni Vogel, ang Magic usa sa mga nangiwit nga teams sa Eastern Conference kay midaog lamang og 25 ka duwa, apan napilde 57 ka higayon.

Sa kinatibuk-an sa iyang pagtinir sa Magic niadtong 2016, si Vogel nakatala lamang og 54-110 record. Ang Magic wala na gyud makasud sa NBA playoffs sukad niadtong 2011-2012 season.

Bisan pa man sa dili maayong mga marka nga iyang gisumiter, ang Magic mapasalamaton gihapon sa panahon nga gigahin ni Vogel ngadto kanila.

Si Vogel maoy ikaupat nga coach nga gitaktak sa Magic sa miaging upat ka tuig sunod nilang Jacque Vaughn, interim James Borrego ug Scott.

Ang 44-anyos nga si Vogel duna pa unta’y usa ka season sa iyang kontrata sa Magic. Sa wala pa motapon sa Orlando, nagsilbe siyang head coach sa Indiana Pacers sud sa unom ka tuig.