Alab daog, Balkman injured

CEBU, Philippines — Midaog ang Alab Pilipinas sa  krusyal nga duwa batok sa CLS Indonesia Knights, 84-67  sa miaging gabii didto sa Caloocan Sports Complex.

Dili hinuon kompleto ang kalipay sa Alab tungod  kay na-injured ang ilang leading scorer ug import nga si Renaldo Balkman atol sa second half ug gikabalak-an nga dugay pa kini makabalik. Si Balkman mitapos sa duwa uban ang 12 puntos.

Mibida sa Alab si Ray Parks Jr., kinsa miiskor og 21 puntos, samtang si Justin Brownlee miamot og 15 puntos.

Ang Alab aduna karon 13-6 nga baraha ug nakigtabla sila sa Mono Vampire Thailand sa ikatulong dapit sunod sa Hong Kong Eastern Lions (14-5) ug Chong Sun Kung Fu (12-5).