Horn, Crawford fight kinansel ni Arum
MANILA, Philippines — Nagkaroon si American mandatory challenger Terence Crawford ng right hand injury para sa kanya sanang paghahamon kay Australian world welterweight champion Jeff Horn sa Abril 14 sa Mandalay Bay Resort & Casino sa Las Vegas, Nevada.
Dahil dito ay kinansela ni Bob Arum ng Top Rank Promotions ang naturang laban nina Horn (18-0-1, 12 KOs) at Crawford (32-0-0, 23 KOs).
Kasama rin dito ang makasaysayan sanang all Filipino world title showdown sa pagitan nina super flyweight king Jerwin Ancajas at mandatory challenger Jonas Sultan.
Ayon kay Arum, posibleng itakda ang nasabing boxing card, kasama ang suntukan nina Ancajas at Sultan, sa Mayo 12 sa Las Vegas.
Matatandaang isinama ni Arum bilang undercard ng Horn-Crawford championship bout ang comeback fight ni Filipino superstar Manny Pacquiao (59-7-2, 38 KOs) kay dating Mexican world light welterweight titlist Mike Alvarado (38-4-0, 26 KOs).
Subalit kamakailan ay inihayag ni Pacquiao na lalabanan niya si Lucas Matthysse (39-4-0, 36 KOs) ng Argentina sa Hunyo 24 sa Kuala Lumpur, Malaysia.
Kaya naman ipinalit ni Arum ang upakan nina Ancajas (29-1-1, 20 KOs), ang International Boxing Federation super flyweight king at Sultan (14-3-0, 9 KOs).
Huling umakyat sa boxing ring ang 39-anyos na si Pacquiao noong Hulyo kung saan siya natalo kay Horn via unanimous decision at naisuko ang hawak na World Boxing Organization welterweight crown sa Brisbane, Australia.
- Latest
