Ginebra tatablahan ang San Miguel sa Game 4

Santos pinagmulta ng 25k dahil sa negatibong komento sa game 3

MANILA, Philippines — Ipinakita ng Barangay Gi­nebra na kaya nilang ma­nalo na wala si seven-foot center Greg Slaughter ma­tapos talunin ang nagdedepensang San Miguel, 95-87, sa Game Three ng kanilang best-of-seven se­mifinals series noong Martes.

Hindi pa masabi ni mentor Tim Cone kung kailan magsusuot ng uniporme si Slaughter, kasalukuyang may sprained left ankle in­jury.

“We’re trying to get him back in, but nothing’s wor­king so far. He’s still got swelling and pain in his foot,” wika ng two-time PBA Grand Slam champion coach kay ‘Gregzilla’.

Hangad maitabla ang ka­nilang serye, lalabanan ng Gin Kings ang Beermen nga­yong alas-7 ng gabi sa Game Four ng kanilang se­mifinals showdown para sa 2018 PBA Philippine Cup sa Mall of Asia Arena sa Pa­say City.

Pinatumba ng San Mi­guel ang Ginebra sa Game One, 102-90, at tinakasan sa Game Two via overtime, 104-102.

Napigilan naman ng Gin Kings ang tangkang pag­tatayo ng Beermen sa malaking 3-0 bentahe nang agawin ang Game Three, 95-87.

“Game Four is so crucial and we have to get it,” sabi ni San Miguel Beer mentor Leo Austria.

Samantala, pinagmulta ng PBA Commissioner's Office si one-time PBA MVP Arwind Santos ng kabuuang P25,000.

Ang P20,000 ay para sa 'statements detrimental to the league' na ginawa ni San­tos, samantalang ang P5,000 ay sa flagrant foul 1 niya kay Ginebra for­ward Japeth Aguilar sa third quarter ng Game Three.

Sa isang panayam ay ina­kusahan ng dating FEU King Tamaraw ang tatlong re­ferees na tumulong sa pa­nalo ng Gin Kings noong Mar­tes.