Ginebra hinugot si Prince Caperal

MANILA, Philippines — Gustong maniguro ng Barangay Ginebra na may masasandalan silang big man habang hindi pa handang sumabak sa ak­syon si seven-foot center Greg Slaughter sa 2018 PBA Philippine Cup.

Kinuha ng Gin Kings si unrestricted free agent Prince Caperal bilang pandagdag sa kanilang pu­wersa sa shaded lane.

Hindi pa naglalaro si Slaughter sa huling tatlong asig­natura ng Ginebra dahil sa strained hamstring in­jury.

Nauna nang nangga­ling ang 29-anyos na si Slaughter sa ACL injury sa nakaraang season at na­kabalik sa 2017 Governor’s Cup kung saan mu­ling binigo ng Ginebra ang Meralco sa kanilang best-of-seven titular showdown.

Bukod kay Slaughter, hindi rin naglalaro dahil sa kanyang foot injury si Joe De­vance.

Ang 6'7 namang si Ca­peral, dating star center ng Arellano Chiefs sa NCAA, ay inilaglag ng Kia matapos ilagay sa active list si Russell Escoto.

Si Caperal ang 17th overall pick ng Globalport no­ong 2014 PBA Draft .

Matapos ang isang ta­on ay dinala ng Batang Pier si Caperal sa kampo ng Gin Kings kapalit ni veteran big man Dorian Peña, ngunit ka­agad ibinigay sa Barako Bull (ngayon ay Phoenix) ka­sama si Mac Baracael.