Star Hotshots magbag-o og import, mikuha balik ni Ratliffe
CEBU, Philippines - Kalit pa sa kilat ang desisyon sa Star Hotshots kay nakahukom kini nga magkuha og bag-ong import sa tuyo nga makasud sila sa finals sa nagpadayon nga 2017 PBA Commissioner’s Cup.
Ang Hotshots mikuha pagbalik sa 6-foot-8 nga si Ricardo Ratliffe puli ni Tony Mitchell, kinsa nag-average og 20 puntos matag duwa.
Si Ratliffe nahimong import sa Star sa 2016 Commissioner’s Cup diin iyang natabangan ang koponan nga makaduwa sa semifinals.
Ang Star anaa karon sa ikaupat nga dapit sa standing sa ilang 6-2 win-loss record, apan mangambisyon kini nga masulod sa No. 2 aron makuha ang “twice-to-beat” advantage sa playoffs.
Si Ratliffe moduwa sa unang higayon karon nga conference batok sa TNT KaTropa ugma didto sa Smart Araneta Coliseum. (BANAT NEWS)
- Latest
